TESTO

FONTE

(Legenda in calce)

A tiempu di ficu 'un c'è parenti e mancu amicu

Candiano

A tiempu di scattioli: «Cumma', ci jammu addifora?»; a tiempu di ficu fatti: «Cumma', ni jammu sparti»

Lodato

Avanti li mà dienti, ca li mà parienti

Candiano

Cu mangia sulu s'affuca

Brancato

Cu si piglia la pena di la carni d'antru, la sò si la màncianu li cani

Cassaro

Cu si piglia lu pinsieri d'antru annuvrica

Brancato

Cumpagnu unni vuliti, fora di la tàvula

Candiano

Doppu di mìa, cu mori mori

Candiano

La prima carità vegna a nu'

Asaro

La tò è carità pilusa

Brancato

Lu cuorbu, pi pigliàrisi la pena d'antru, annuvricà

Brancato

Lu mulinaru tira acqua a lu sò mulinu

Candiano

Lu pani è cucca: cu l'havi si l'ammucca

Lo Verme

Nuddru ti dici «Làvati la facci, cá pari cchiú beddra»

Cassaro

Ognunu pensa pi lu sò muccuni e tira lu brasciu a lu sò cuddruruni

Cassaro

Ognunu si guarda la sò peddri

Candiano

Ognunu si prega lu sò santu

Candiano

Ognunu si raspa la sò rugna

Candiano

Ognunu si stuja lu culu cu la sò cammisa

Candiano

Ognunu si tira lu sò cuntu

Lo Verme

Peddri pi peddri: avanti la tò, ca la mia

Candiano

Prima di tutti ju; tutti l'antri doppu di mìa

Brancato

Quannu avìa lu "chi", chiamava a unu e ni vinìanu tri; ora ca 'un haju lu "chi", tutti mi dìcinu: «Chi càvulu sì?»

Candiano